Breudwd Welsh Prose 1300-1425
Cymraeg

NLW MS. Peniarth 45 – page 288

Bonedd y Saint

288

Catuan sant yn enlli. mab. eneas lede+
wic o lydaỽ. A gwenn teir bron uerch em+
yr llydaỽ y uam. Henwyn. mab. gwyn+
daf hen o lydaỽ periglaỽr catuan. Ar se+
int a uu yn enlli yn un oes ac wynt.
kynan a dochwy. A mael. a sulyen. A
thanỽc. Ac ethrias. A|llywen. A|llyuab
a|doethant gyt a chatuan yr ynys hon
Padern. mab. petrỽn. mab. emyr llydaỽ
keuynderỽ y catuan. Tedecho. mab. an+
nun du. mab. emyr llydaỽ. keuynderỽ
y catuan. Trunyaỽ. mab. diỽng. mab.
emyr llydaỽ. keuynderỽ y catuan. Ma+
eleris. mab. gỽydno. mab. emyr llydaỽ. ke+
uynderỽ y catuan. Tegei glassaỽc y
maes llan. A therillo yn ros. meibyon
ithael o lydaỽ. A llechit yn arllechwed.
chwaer udunt. Kybi. mab. selyf. mab.
gereint. mab. erbin. mab. custennin cor+
neu. Padric. mab. aluryt. mab. goronỽy
o waredaỽc yn aruon. Catuarch sant
yn aberech yn lleyn. A|thangỽn yn llan+
goet ym mon. A maethlu yg carnedaỽr
ym mon. meibon caradaỽc ureich uras.
mab. llyr marini. Cadỽc sant. mab. gwynlliỽ