NLW MS. Peniarth 46 – page 167
Brut y Brenhinoedd
167
val hynn. Crist hep ef a oruyd. Crist
a|ỽledycha. Crist a|orchyuyca. llyma
urenhin ynys. prydein. Crist a|e canhorthỽyo
llyma yn gobeith a|n lleỽenyd. a gỽe+
dy bot eu llogeu yn baraỽt. ar|y|traeth
ethol eu marchogyon. a|e rifaỽ. a|e dodi
rodi y cuhelyn archescop llundein. ~
A C gỽedy bot y kyureideu yn para+
ỽt. kychỽyn a|ỽnaethant ar|y|mor
a|dyuot y|porth totneis y|r tir. a|chy+
nullaỽ a|caỽssant o|nerth a phorth yn
ynys. prydein. ac yn diannot kyrchu eu gelyny+
on. ac gỽedy ymlad ac ỽynt trỽy la+
uur y caỽssant y|uudugolyaeth. a|gỽedy
mynet hynny dros y|teyrnas ymgyn+
null a|oruc yr holl uryttannyeit hyt yn
cyrcetyr. a gỽiscaỽ coron y|teyrnas am
benn custennin uendigeit a|e urdaỽ yn urenhin.
ar ynys. prydein. a|rodi gỽreic idaỽ a|hanoed o|dy+
lyedogyon rufein. ac a|uagyssit yn|llys
cuhelyn archescob llundein. ac ỽreic
| « p 166 | p 168 » |