NLW MS. Peniarth 46 – page 208
Brut y Brenhinoedd
208
Mein yn prenn. Prenn yn lludỽ. lludu yn
dỽfyr. o byrir y|arnat. yn hynny y|dyrche+
uir morỽyn o|r llỽyn llỽyt y rodi medyc+
ginyaeth o|hynny. Gỽedy prouỽ honno
pob keluydyt o|e hanadyl e|hun y|sycha
y ffynnhoneu argyỽedaỽdyr. Odyna yd ym+
iachao hitheu o yach uedeginyaeth. y|ky+
mer yn|y deheu llỽyn kelydon. yn|y has+
seu hagen muroed llundein; Pa le bynhac
y kerdo hi cammeu brỽmstanaỽl a ỽna. y
rei a|uygant o deu dyblyc fflam y|gỽyr
hynny a gyffry gỽyr rodỽm. ac a|uyd
bỽyt y|rei dan y mor. O|truein dagreuo+
ed y|llithyr hi. ac aruthyr diaspat y|lleinỽ
yr ynys. Y rei hynny a|lad y carỽ degkeing.
Y petỽar o·nadunt a|arỽedant coroneu e+
ur. Y chỽech ereill a ymhoelir yn gyrnn
buffleit. y|rei a gyffroant teir. ynys. prydein. o|e hys+
gymmun sein. Yna y|sychir llỽyn taner. ac
yn dynaỽl lef gann ymdorri y|lleua. Dynes ̷+
sa gymry a gỽasc gernyỽ ỽrth dy ystlysseu.
| « p 207 | p 209 » |