NLW MS. Peniarth 46 – page 349
Brut y Brenhinoedd
349
A Gỽedy cael o gatỽallawn y|uudugolyaeth
medylyaỽ a|oruc distryỽ yr holl saesson yn
gynn greulondet a|phann gyuarffei sa ̷+
esnes ueichaỽc ac ef. y|gellygei y|beicho+
gi a|e gledyf e|hun y|r llaỽr. ac nyt arbedei
catỽallawn. nac ỽr. na gỽreic. na hen. na Jeuagc
gann uedylyaỽ eu dileu yn llỽyr o|teruyn+
eu. ynys. prydein. ac odyna ymlad a|oruc catỽallawn. ac
offric y kynntaf a|uu urenhin. yn lle edỽin.
a|e lad. a|e deu nyeint y|rei a|dylyynt ỽledy+
chu wedy ef. ~ ~ ~ ~ ~ ~ ~
A C odyna y|gỽnaethpỽyt osỽallt yn
urenhin. a|hỽnnỽ a|erlynwys catỽallawn
o|le y|le hyt y|mur a|ỽnaeth seuerus
amheraỽdyr gynt yrỽg deiuyr a|brynnych.
ac yd anuones peanda a|rann uaỽr o|r llu
gantaỽ yn|y ol. ac ual yd oed osỽallt ỽedy
y|gylchynu o peanda a|e|lu hyt y|nos yn|y|lle
a|elỽir maes nefaỽl. Sef a|oruc osỽalt dyr+
chauel delỽ y|groc. ac erchi y|ỽyr oll dygỽy+
daỽ ar tal eu glinnyeu. ac erchi y|r holl·gy ̷+
uoethaỽc duỽ eu rydhau y|gann y|llu sy+
berỽ hỽnnỽ. canyt yttoedynt hỽy yn am ̷ ̷+
| « p 348 | p 350 » |