NLW MS. Peniarth 46 – page 83
Brut y Brenhinoedd
83
a|chymry. a|chernyỽ y|oỽein. a|r gogled
dan y theruyn y peredur. ac ym·penn y
seith mlyned ỽedy hynny y bu uarỽ o
oỽein. ac y|dygỽydỽys y kyuoeth yn|llaỽ
peredur oll. ac ym·penn yspeit ỽedy llyỽ+
aỽ y teyrnas o peredur. a|phaỽb yn uod ̷ ̷+
laỽn idaỽ y bu uarỽ peredur. ac y doeth
Elidyr y|tryded ỽeith yn urenhin. a|phan
aeth o|r byt hỽnn yd edeỽis gyfureitheu
A Gỽedy marỽ elidyr da yn|y ol.
y|doeth rys mab gorbonyaỽn y
uraỽt yn urenhin. a hỽnnỽ a er+
lynỽys o|gỽbyl gỽeithredoed elidyr y|e*
eỽythyr. ac gỽedy rys y doeth margan
uab arthal yn urenhin. a hỽnnỽ a|gar+
ỽys iaỽnder. a gỽironed yn|y uyỽyt ef.
a gỽedy margan y doeth einaỽn y ura+
ỽt ynteu yn urenhin. a phellau a|ỽna+
eth hỽnnỽ y|ỽrth ỽeithredoed y uraỽt.
ac y greulonder. yn|y chỽechet ulỽydyn
y|byrryỽyt o|e urenhinaeth. ac yn|y ol
| « p 82 | p 84 » |