Oxford Rawlinson MS. B 467 – page 4v
Rhinweddau Bwydydd
4v
rei maỽr neỽyd a aller eu berỽi yn ha ̷+
ỽd a|gỽedy golcher berỽer ias arnunt
y myỽn dyfỽr a bỽrỽ hỽnnỽ ymeith. ac
eu berỽi yn|yr eil dyfỽr. ac yna eu bỽtta*
gyt a|gỽin·egyr. ac origan a minty* a
chỽmin ac oeli oel neu gic bras ir. Y
meib gỽressaỽc a gỽlybyraỽc vydant
a bỽyt trỽm. chỽydaỽ a|ỽnant achỽane ̷+
gu ysberma. ac o|berỽir yn da myỽn dy+
fỽr. a|bỽrỽ hỽnnỽ ymeith ac eu berỽi yr
eilỽeith drỽy gic bras y|magant yn da
Ac y gỽnant knaỽt medal chỽydedic.
y llysseu gỽydelic gỽressaỽc yn|y dryded
rad a sych yn|yr eil. golchi yr arenneu
a|r chỽessigen a|ỽna. magu yn vaỽr a ̷
ỽna. calet ỽrth dodi yỽ. ac argyỽedus
| « p 4r | p 5r » |