Oxford Rawlinson MS. B 467 – page 75r
Meddyginiaethau
75r
neu brenn o|r bẏd ẏndunt. Kymer vlaỽt rẏc
a gỽna ẏn|does igẏt a|gỽẏnn wẏ a dod ar
ẏ|brath arall Kẏmer hok a|briỽ ef a dod ve+
llẏ ar y|brath arall Kẏmer sebon a|dod ẏn gẏf+
let ac ẏ|bo ẏ|brath a hỽnnỽ a|y hegẏr ef ẏn
lle gỽir os gỽne* ẏn vẏnẏch arall Kẏmer
ẏr egrimoẏn a|briỽ ef ẏgẏt a hen vlonec
a dod ar ẏ|brath ac ef a|dẏnn aỻan ẏr hay+
arn neu ẏ prenn a vo meỽn aelaỽt. O|r bẏd
Kẏmer wreid ẏ|dẏ +hayarn neu bren meỽn korff dyn
nat a|briỽ igẏt a|blonec gỽẏrẏ a|mel a|dod
ar ẏ|brath ac ẏn ddiogel ef a|y hegẏr ac a|ẏ
tẏnn allan. arall Kẏmer wreid ẏ poỻipodus
a|golch|ef ẏn|dda a|briỽ igẏt a|hen vlonec
a|dod ef ar ẏ dẏrnaỽt a iach vẏd. Rac
gỽeỽyr meỽn bratheu neu dyrnodeu
ẏn
| « p 74v | p 75v » |