Shrewsbury MS. 11 – page 66
Pa ddelw y dylai dyn gredu i Dduw, Ysbryd Gwidw
66
ẏ bellennic dillat ẏ noeth gofỽẏ ẏ claf
rẏdhau carcharaỽr cladu ẏ marỽ ac ar
nẏ allo gwneuthur y seith weithret hynn
ẏn gorfforaỽl kẏghor ẏ|seint ẏỽ ẏdaỽ gỽ+
neuthur ẏ pvmp ỽeithret hynn ẏn ẏsprẏ+
daỽl kẏghori anoeth a|e lessav. a chospi
enỽir ẏr ẏ dẏscu a phob trist galarus
ẏ didanu kẏt·dolurẏaỽ a gỽann trỽy ẏ
garu a thros pob aghyfnerthus gỽedi+
aỽ duỽ ẏ drugarhau *Yspryt Gỽidỽ
L lẏmma pỽnk a damỽeinaỽd ỽythnos
a diỽarnaỽt kẏn nadoluc Mil CCC
xxiiijoed oet crist Ẏn tre Alescẏ pedeir
milltir ar|hugeint o tre vien kẏfenỽ
ẏ dẏd hỽnnỽ gỽir vu varỽ bỽrgeissỽr
a elwit Gỽidỽ ẏr hỽnn a|ỽnaeth llaỽ+
er o tristỽch a thremẏsc* ẏd|ẏ wreic gỽ+
edẏ ẏ varỽ caffel o|r ỽreic ẏn|ẏ chẏghor
vẏnet ẏ tei ẏ brodẏr pregethỽẏr ẏ ẏm+
didan a|r prior A mẏnet a ỽnaeth kẏf+
The text Ysbryd Gwidw starts on line 10.
| « p 65 | digital image | p 67 » |