Shrewsbury MS. 11 – page 75
Ysbryd Gwidw
75
1
a|cristnogaeth. Prior. beth vỽẏa ẏ nertha
2
ẏn|ẏr aỽr honno Gwidw. diodeifeint crist
3
gỽeithretoed meir vorỽẏn ac ẏmbil
4
seint. Prior. bẏ vod vei hẏnnẏ. Gwidw. pan
5
vo marỽ dẏn mẏỽn pechot marỽol
6
ẏ dodir ẏn|ẏ erbẏn trỽẏ dangos aghe+
7
retigrỽẏd na vẏnnei erbẏnneit rin+
8
wed kẏssegredic penẏt ẏr hỽnn ẏsẏd
9
ẏn iachau eneit dẏn trỽẏ weithret po+
10
ẏneu ẏr arglỽẏd ac o bẏd neb a|e herby+
11
nno trỽẏ vuched da ef a daỽ egẏlẏon da
12
attaỽ ẏn erbẏn ẏr egẏlẏon drỽc ẏd ẏ
13
ẏmdiffẏn trỽẏ vỽrẏade nat oes ẏdunt
14
dim ohonaỽ achos breint diodeifeint ẏr
15
arglỽẏd ẏssẏd gẏnaỽl rẏgthaỽ ef ac
16
ỽẏnt ẏna ẏ dẏỽedant ẏr egẏlẏon drỽc
17
val hẏnn ẏ gỽnaeth ẏ pechot ac val
18
hẏnn ac ẏna ẏ dẏỽedant ẏr egẏlẏon da
19
ẏn erbẏn pob pechaỽt ac ẏ dangoss+
20
ant pẏ vod ẏ diodefaỽd crist poẏne
| « p 74 | digital image | p 76 » |