Breudwd Welsh Prose 1300-1425
Cymraeg

BL Additional MS. 19,709 – page 52r

Brut y Brenhinoedd

52r

tunt yn ỻaỽn o varchogyon aruaỽc. a|hynny oỻ a|ar+
uoỻes gỽrtheyrn yn ỻawen. ac a vrdvys paỽb onadunt
yn|y ỻe o|rodyon maỽrweirthavc. kanys ym pop kyfranc
y bydei oruydaỽdyr drvydunt. ac veỻy beunyd eissoes
yd achwaneg˄ei hengist y lu drvy dỽyỻ a|brat ganedic
gantaỽ. a gvedy adnabot hynny o|r brytanyeit daly
ofyn a|wnaethant ac erchi y|r brenhin eu gyrru o|teyrn+
as ynys. prydein. kany wedei y gristynogyon kytymdeitho+
kau a|phaganyeit nac ymgymysgu ac vynt. kanys
kyfreith a dedyf y gristynogaeth a|e gvahar˄dei. ac y+
gyt a hynnẏ kymeint oed eu nifer ac nat oed haỽd
adnabot pvy a vei gristaỽn pvy a vei pagan. ac y·gyt
a hẏnnẏ seint garmon escob a orchymynassei vdunt
dihol y|paganyeiti saeson oc eu plith. ac eissoes sef a|w  ̷ ̷+
naeth gvrtheyrn o garyat y wreic a|r saesson yskaelus+
saỽ y brytanyeit. a|phan welas y brytanyeit hynny. Sef a
wnaethant ymdadaỽ a gỽrtheyrn. a|chymryt gverth+
efyr vendigeit y vab ynteu a|e vrdav yn vrenhin ar+
nadunt. a dechreu ymlad a|r saesson. a gvneuthur aer+
uaeu mavr creulavn onadunt megys yd oed da gan
duỽ y wneuthur onadunt. a phedeir brvẏdẏr a uu
rỽg gvrtheur a|r saesson. ac ym|pop vn y goruu ef.
drỽy nerth duv. Yr ymlad kyntaf a uu idaỽ ac ỽynt
ar|auon derwenyd. a|r eil a|uu ar ryt epiffỽrt ac y+
no yd ym·g˄yfarfuant kyndeyrn uab gỽrtheyrn a hors
bravt hengist. ac y ỻadavd pop vn y gilyd. y|trydẏd
ymlad a uu ar lan y|mor. ac yna y foes y saesson