Bodorgan MS. – page 56
Llyfr Cyfnerth
56
syd o·honunt yn dywedut gỽir pỽy nyt
yttiỽ. A gỽedy darffo yr henaduryeit
racreithaỽ eu synhỽyr a chadarnhau
eu dull trỽy tỽg. yna y dyly y braỽtwyr
mynet ar neilltu. A barnu herwyd yr he+
naduryeit a dangos yr brenhin yr hyn
a varnhont. A hynny yỽ deturyt gỽlat
gỽedy gỽrtheb. Ac uelly y teruynha dad+
leu tir. Pan dechreuher teruynu tired
neu trefyd. Os y·rỽg tir y wlat a thir y
llys y dechreuir. llys a teruynha. Os y·rỽg
tir y wlat a thir y eglỽys; eglỽys a
teruynha. Os y·rỽg kytetiuedyon; bre+
int a teruynha. Os y·rỽg tir kyfanhed
A thir diffeith; kyn warchadỽ a| teruyna
Adeil ac aradỽy yỽ kyfanhed. Pan ter+
uynho llys; maer a chyghellaỽr bieu dan+
gos y theruyneu drosti. Os eglỽys a ter+
uynha; bagyl ac euegyl ae dengys.
CLeis a tricco tri naỽ·uetdyd. vn di+
uỽyn ac vn diwat uyd a gỽaet. Os
ar diwat y byd; rodet y lỽ ar y trydyd o wyr
vn vreint ac ef. y naỽuetdyd kyntaf. Os
deu·naỽuetdyd y tric; rodet y lỽ ar y pet
| « p 55 | p 57 » |