Bodorgan MS. – page 63
Llyfr Cyfnerth
63
yr uuch o hanher ebrill hyt ỽyl giric o blaỽt
keirch. Odyna o ulaỽt heid hyt aỽst. O aỽst
hyt galan racuyr o vlaỽt gỽenith y telir velly.
LLo gỽryỽ; whech keinhaỽt* a tal o|r pan
anher hyt galan racuyr. Odyna hyt
galan whefraỽr; ỽyth geinhaỽc a tal. hyt
galan mei; dec a tal. hyt aỽst; deudec a tal.
hyt galan racuyr; pedeir ar dec a| tal. hyt ga+
lan whefraỽr; vn ar pymthec. hyt galan
mei; deu·naỽ a tal. hyt aỽst; vgeint a tal. hyt
galan racuyr; dỽy ar hugeint. hyt galan;
whefraỽr; pedeir ar hugeint. Trannoeth
y dodir gỽed arnaỽ. Ac yna pedeir keinha ̷+
ỽc cota a drycheif ar y werth. Naỽuetdyd
o whefraỽr o|r ymeill ac eredic; gỽerth y te ̷+
ithi a drycheif ar y werth nyt amgen vn ar
pymthec. A dỽy geinhaỽc heuyt o|r tymhor
a gymer. Ac yna whech a deugeint a tal hyt
galan mei. Odyna hyt aỽst; ỽyth a deu vge ̷+
int. hyt galan racuyr; dec a deu vgeint. hyt
galan whefraỽr; deudec a deu vgeint. Tran+
noeth y dodir gỽed arnaỽ. kanys allweith
uyd yna. A hynny a drycheif pedeir keinhaỽc
.kyfreith. ar y werth. A dỽy geinhaỽc heuyt o|r
| « p 62 | p 64 » |