NLW MS. 24029 (Boston 5) – page 21
Llyfr Blegywryd
21
nẏon ohonunt. Ac ẏ|warandaw haỽlỽẏr.
ac amdiffẏnnwẏr ẏ|mẏwẏn dadleuoed.
Ac ẏ|vot ẏgẏt ac ẏgneit ỽrth rodi barn+
eu. ac ẏ|warandaw eu hamrẏssoneu. Ot
anuonant at ẏ brenhin ẏr|hẏnn a|uo pet+
rus ganthunt. ac a|uẏnhwynt trwyd+
aỽ ẏnteu ẏ|amlẏccau; gwnelet velly
trỽẏ ẏ|vlỽẏdẏn gỽbẏl. Ac odyna y dyly
caplan ẏ|brenhin ẏ|dỽẏn ef ẏ r eglwys
A|chẏt ac ef ẏ|deuhec* sỽẏdaỽc arbennic
ẏ|llẏs ỽrth offeren. Ac wedẏ offeren ac
offrỽm ẏ|gan baỽp; paret ẏ|caplan idaỽ
tẏgu ar|ẏ|creir. ac ar|ẏr allaỽr. Ac ẏ|wyn ̷+
eitheit a|dotter ar|ẏr allaỽr; na rotho c
cam·varn bẏth hẏt ẏ|gỽẏppo. nac ẏr ado+
lỽẏn neb. nac ẏr gỽerth. nac ẏr carẏat.
nac ẏr cas neb. Guedẏ hẏnnẏ deuent ẏ+
gẏt at ẏ|brenhin. a|dywedent ẏr|hẏnn
a|wnaethant ẏmdanaỽ. Ac ẏ|dẏlẏ ẏ|bren+
hin rodi sỽẏd idaỽ. o|r bẏd bodlaỽn idaỽ.
A|e lehau ẏ|mẏỽn eistedua dẏlẏedus idaỽ.
Ac|ẏna ẏ|dẏlẏir rodi ouerdlẏsseu idaỽ. Taỽ+
| « p 20 | p 22 » |