BL Cotton Cleopatra MS. A XIV – page 45r
Llyfr Cyfnerth
45r
beinyaeth prydein racdunt yn dyd kat a| brỽ ̷+
ydyr. Pan archo bard y teyrn canet un canu.
Pan archo bard y ureyr canet tri chanu. Os
eirch y tayaỽc canet hyny uo lludedic. Y tir
a geiff yn ryd. A march bitwosseb y gan y bren ̷+
hin. Ar eil canu a| gan yn| y neuad kanys y
penkerd a dechreu. Eil nessaf uyd yr penteu ̷+
lu. Telyn a| geiff y gan y brenhin a| modrỽy
eur y| gan y urenhines pan ỽystler y| sỽyd
idaỽ. y telyn ny at uyth y gantaỽ. Bard teu ̷+
lu. Gostegỽr. Distein brenhines. Dryssaỽr
neuad. Dryssaỽr ystauell. Guastraỽt auỽ ̷+
yn. Canhỽyllyd. Trullyat. Medyd. Sỽyd ̷+
ỽr llys. Coc. Medyc. Morỽyn ystauell.
Guastraỽt auỽyn brenhines. Y pymthec
hyn yssyd . Vn ureint. Vn sarhaet.
Ac vn alanas ac vn ebediỽ ac vn vreint eu
merchet. Sef a| telir yn eu sarhaet. whe bu
a whe ugeint aryant. Yn eu galanas y| telir
whe bu a whe ugein mu gan tri drychaf ̷+
el. Yn eu hebediỽ y telir wheugeint aryant.
| « p 44v | p 45v » |