BL Cotton Cleopatra MS. A XIV – page 50r
Llyfr Cyfnerth
50r
catheu. Torth ae henllyn a| geiff ym pop
ty y del ar neges y brenhin idaỽ. Teir kyf ̷+
elin a| uyd yn hyt y pillo rac y arganuot.
Ny byd tenllif yn| y laỽdỽr. Ef bieu y tarỽ
a del gan anreith. Pan uo marỽ righyll.
yn trugared yr arglỽyd y byd yr eidaỽ.
Guys y righyll dan tyston a| tharaỽ y post
teir gueith ny ellir y diwat. Pan diwater
guys righyll. llỽ y neb a wysser ar y trydyd.
o wyr un ureint ac ef ae diwat.
GOf llys bieu penneu y guarthec ac
eu traet or llys eithyr y tauodeu a a
yr ygnat llys a llanỽ lle y tauaỽt yr gof
o ran y brenhin o gic mordỽyt yr| eidon. Y
ymborth ef ae was a| daỽ or llys. Yn rat y
guna ynteu weith y llys oll eithyr y tri
gueith hyn. callaỽr. a guayỽ a bỽyall aỽch ̷+
lydan. Ef bieu keinon kyuedỽch. Gof llys
a geiff pedeir keinhaỽc o pop carcharaỽr y
diotto yr heyrn y| arnaỽ. y tir a geiff yn ryd
Guiraỽt gyfreithaỽl a geiff or llys nyt am ̷+
| « p 49v | p 50v » |