BL Cotton Cleopatra MS. A XIV – page 59v
Llyfr Cyfnerth
59v
eredic. Ac or bernir datanhud beich y dyn tri+
dieu a| their nos gorfowys yn dihaỽl a geiff.
Os datanhud carr a uernir idaỽ. pym nieu
a phym nos gorfowys yn dihaỽl a geiff. Os
datanhud eredic a uernir idaỽ. gorfowys yn
dihaỽl a geiff hyny ymhoelo y geuyn ar y
das. Ny dyly neb datanhud namyn or tir
a|ry|ffo yn llaỽ y tat yn|y uyỽ ae uarỽ ar+
naỽ. Or guneir eglỽys ar tayaỽctref gan
ganhyat y brenhin ae bot yn gorfflan hi.
Ac effeirat yn efferenu yndi. ryd uyd y tref
honno odyna. Or kymer tayaỽc mab breyr
ar uaeth gan ganhyat y arglỽyd. kyfranaỽc
uyd y mab hỽnnỽ ar tref tayaỽc tat y mal
vn oe ueibon e| hunaN.
TEir gueith y rennir tir rỽg brodoryon.
yn gyntaf rỽg brodyr. Odyna rỽg kef ̷+
ynderỽ. Trydeweith rỽg kyferdyrỽ. Odyna
nyt oes priaỽt ran ar tir. Pan ranho bro ̷+
dyr tref eu tat yrydunt. y ieuhaf bieu yr
eissydyn arbenhic ac ỽyth erỽ ar trefneu
| « p 59r | p 60r » |