BL Cotton Titus MS. D IX – page 47v
Llyfr Blegywryd
47v
gwybot o|wn fford kynn barnn teruyned+
ic. ae vn ohonunt a|uo kylus. aell|deu. ae
na bo vn kylus. ae* na wys heuyt a|vynho
y|gỽarant gwnneuthur cỽbyl drostaỽ
e|hun. a|thros y|da kynnhenus. a|thros|yr
amdiffynnỽr. ae na|s mynnho. ac na wys
heuyt ae gallo ae na|s gallo. TRi pheth
a|dyly gỽarant diball eu gỽnneuthur.
vn yỽ; gỽrtheb yn|diohir drostaỽ e|hun.
a|thros y da kynnhenus. a|thros amdiff+
ynnỽr y da. Eil yỽ; seuyll ỽrth gyureith
a|barnu dros yr holl dadyl trỽy deturyt
gỽlat. Trydyd yỽ; gwnneuthur cỽbyl
dros yr holl dadyl mal y barnner idaỽ. NY
ellir gwarantu vn da kyffro na digyffro
a|dyccer yn erbyn kyureith. os deturyt
gỽlat nac vn gỽeithret a|wnnelher
yn erbyn kyureith os deturyt gỽlat
a|e hamlycca. braỽdỽr hagen a|dyly gỽy+
bot a|deall trỽy deturyt gỽlat a·e|trỽy
gyureith ae yn erbyn kyureith y ducp+
ỽyt y da. neu y gỽnaethpỽyt y|gỽeithr+
et kynn rodi barnn teruynnedic rỽg
yr haỽlỽr a|r|gỽarant. a|hynny gỽedy
gỽrtheb yr amdiffynnỽr. Y neb a gaffo
gỽarant y|myỽn dadyl. ny cheiff tay+
| « p 47r | p 48r » |