Cardiff MS. 1.362 (Hafod 1) – page 49bv
Ystoria Dared
49bv
yn kymryt kyghor ymdanadunt. Sef a|wnaeth y sa+
esson kymryt eu llogeu ac adaỽ eu gỽraged ac eu mei+
byon. A ffo hyt yn germamania.
A Gỽedy kaffel o Wertheuyr y uudugolyaeth honno.
dechreu a wnaeth ynteu talu y paỽb y|delyet ar da+
roed yr saesson y|dỽyn y arnadunt. Ac enrydedu y
wyr. a chadỽ iaỽnder ac ỽynt; Ac ygyt a|hynny at+
newydhau yr eglỽysseu. ac eu anrededu ỽrth gyghor
garmon escob. Ac eissoes kyghoruynu a|wnaeth diaỽl
ỽrth y daoni* ef a|e gyfarchwel. A dodi yg·halon ronwen y
lysuam medỽl y geissaỽ ystrywyaỽ y agheu. A gỽedy me+
dylyaỽ o·honei pop ystryỽ. o|r diwed sef a|wnaeth rodi
gwenỽyn yn llaỽ vn o|e wassanaethwyr. A gỽedy kymryt
y gỽenỽyn o·honaỽ. cleuychu a|wnaeth o ỽrthtrỽm he+
int yn deisyuyt. Ac yn|y lle dyuynnu attaỽ holl wyrda
y|teyrnas. A gỽedy eu dyuot ygyt; rannu udunt a|gyn+
nullassei o eur ac aryant a da arall. A menegi udunt y uot
ef yn mynet y gantunt y agheu. A phaỽb onadunt ỽyn+
teu yn griduan ac yn drycyruerthu. Ac ynteu yn eu di+
danu ỽynt ac yn eu kyghori. Ac yn annoc y gỽyr ieueinc
deỽr bot yn ỽraỽl fenedic y ymlad dros eu gỽlat. Ac y am+
diffyn y teyrnas rac gormes estraỽn genedyl. A gỽedy eu
hannoc velly yn hewyd* y gallei oreu; erchi a|wnaeth dineu
delỽ euydeit trỽy tanaỽl geluydyt. A|e gossot yn|y porthua
y|gnotaei y|saesson dyscynnu yndi. A gỽedy y bei uarỽ
ynteu iraỽ y gorff ac ireideu gỽerthuaỽr. a|e ossot yn|y
porthua y|gnotaei y saesson dyuot ar y|delỽ honno yr ar+
uthred yr saesson. Ac ef a|dỽedei wertheuyr vendigeit
hyt y gỽelynt ỽy y delỽ honno a|e gorff ef arnei hi. na
| « p 49br | p 50r » |