Cardiff MS. 1.363 (Hafod 2) – page 129v
Brut y Brenhinoedd
129v
ef. a gwedy emkynnỽll paỽb y gyt hyt er ỽn lle h+
ỽnnỽ pan deỽth e dyd gossodedyc hỽnnỽ emreys
Wledyc a wyscaỽd coron e teyrnas am y penn.
ac en ỽrenhynaỽl a anrydedaỽd gwylỽa e sỽlgw+
yn trwy espeit trydyev a theyr nos. Ac en henny
o espeyt ac amser er anryded ar teylyngdodeỽ a oed+
ynt en wac hep perchennogyon na dyledogyon ar+
nadỽnt er rey henny ar rodes e brenyn o|y wassanae+
thwyr enteỽ ac o|y wyrda y talw ev llafỽr vdvnt. A
dwy archescobaỽt oedynt en wac hep wugelyd end+
ỽnt nyt amgen kaer efravc. a chaer llyon ar wysc
ac o kyffredyn kyghor e gossodes ef ena samp·son en
archescob eng kaer efraỽc gwr arderchaỽc ac* go+
rwchel o|e crevyd a|e wched* oed hỽnnỽ. Ac eng kaer
llyon e gossodes dyfryc en archescob e gwr ar rac w+
elssey dwywaỽl edrychedygaeth y ỽot en etholedyc
yr lle honno. A gwedy darỽot ydaỽ llỽnyethỽ hen+
ny a llawer o petheỽ ereyll a perthyney ar lywodra+
eth e teyrnas ef a orchymynnaỽd y ỽerdyn gossot a ll+
ỽnyethỽ e meyn ar ry dygessyt o yỽerdon eng kylch e
ỽedraỽt ar e wed e gwelhey ef y ỽot en yaỽn. A me+
rdyn ena o arch a gorchymyn e brenyn a|e gossodes
| « p 129r | p 130r » |