Cardiff MS. 1.363 (Hafod 2) – page 205r
Brut y Brenhinoedd
205r
honno a dodet ar delw march o evyd anry+
ved y te·gwch en arvaỽc. a honno a ossodet
ar porth e gorllewyn en llvndeyn en arwyd
er racdywededyc wudỽgolyaeth wuchot.
ac yr arvthred yr saysson. Ac a danaỽ ed a+
deylyassant eglwys en er hon e kenyt effe+
rennev rac e eneyt ef ac eneydyeỽ cryston+
ogyon e|byt en hollavl. a hwnnv a wu tyw+
yssavc eỽydavl. katwaladyr vendyceyt.
AC gwedy marv kadwallavn katwala+
dyr vendygeyt y vab a kymyrth lly+
wodraeth e teyrn as er hwnn a elwys
beda clytwalt. ac ar y dechreỽ gw+
ravl a tangnheỽe dvs y teyrnays*. Ac
ym pen devdec mlyned gwedy kymryt
e coron o·honaỽ eng clevyt e dygwydvs a
chywdavdaỽl tervysc a kyvodes em plyth
e brytanyeyt. Mam katwaladyr oed ch+
waer vn tat a peanda. a|e mam hythev oed
wreyc vonhedyc. a honno gwedy tangnhe+
| « p 204v | p 205v » |