Cardiff MS. 1.363 (Hafod 2) – page 65v
Brut y Brenhinoedd
65v
wyr rỽueyn racdỽnt. Ac wrth hynny trossy
eỽ hwylyeỽ a orỽc vaspasyan a dyskynnỽ ym
porth totonesy a orỽgant. Ac gwedy kaffael
tyr onadỽnt kyrchỽ a wnaeth·ant kaer pe+
nn hwylcoyt a dechreỽ ymlad ar kaer. Ac
gwedy hynny ym pen y seythỽet dyd y deỽth
Gweyryd a|e lỽ. ac yn dyannot dechreỽ yml+
ad a orỽgant. ar dyd hỽnnỽ llawer a las o p+
ob parth. ac ny chaỽas nep o·nadỽnt y ỽudỽ+
golyaeth. Ac ỽal y deỽth y dyd trannoeth y vre+
nhynes a deỽth yr·rwng y deỽ lw ac a orỽc ta+
gnheỽed yr·rygthỽnt. ac o·dyna yd anỽona+
ssant eỽ kytvarchogyon hyt yn ywerdon. Ac
gwedy mynet y gayaf heybyaỽ ymchwelỽt
a orỽc ỽaspasyan y rỽueyn. a Gweyryd a dri+
gvs yn ynys prydeyn. Ac gwedy dechreỽ oho+
naỽ ef trossy parth a heneynt karỽ a wnaeth
ynteỽ sened rỽueyn a traethv y kyỽoeth trwy
hedỽch a gwarder a chadarnhaỽ yr hen kyfre+
ytheỽ a gossot ereyll o newyd trwy y kyỽoeth.
ar rody rodyon maỽr y paỽb o|r a|e keyssyey y
ganthaỽ. Ac y ỽelly y clot ef a ehedaỽd trwy
yr holl eỽropa. Gwyr rỽueyn a karey. a heỽ+
yt yd oed y oỽyn arnadỽnt. kanys mwy a dy+
| « p 65r | p 66r » |