Cardiff MS. 1.363 (Hafod 2) – page 76r
Brut y Brenhinoedd
76r
a|e harỽolley wynt. Ac o|r dywed gwedy lly+
thrav llawer o·nadvnt attav wynt a|e ky+
ffroassant ac annogassant ar lyt en erbyn
e crevlavn hvnnv. ac en venych e degynt
ar cof ydav crevlonder maxen. ac e dywed+
ynt vrth cvstennyn val hynn. pa hyt y dyo+
devy ty en trỽeny ny ac en alltvded arglwyd
Cvstennyn. pa hyt e gohyry tythav ynny en
ganedyc lafvr a thref en tat. kanys tydy d+
vhvnan o en kenedyl ny a elly talv ynny en
kollet gwedy e goreskynnych ac e gwrthle+
dych maxen o|r rvueyn. kanys pa tywssavc
a eyll emkyvartalv y vrenyn brytaen o ke+
dernyt a dewred marchogyon neỽ enteỽ
o amylder evr ac aryant. Ac vrth henny
gwedyvn nynhev tydy hyt pan telhych ty
ynny tref en tat ac en kyvoeth. ac en gwra+
ged ac en meybyon kan dyvot y gyt a ny
a llw kenhyt hyt en rvueyn.
AG odyna gwedy kyffroy Cvstennyn o|r
amadrodyon hynn ac o lawer o ereyll
| « p 75v | p 76v » |