Cardiff MS. 1.363 (Hafod 2) – page 78v
Brut y Brenhinoedd
78v
gaeth a hanoed o rvueyn. ac o bob parth o vren+
hynavl waet ed hanoed. Ac wrth henny ed edawey
yntev gwastat hedvch. kanys o amherodryon rvueyn
ac o vrenhyned ynys brydeyn ed hanoed. Ac gwedy g+
welet o kynan meyrydyaỽc yarll kernyw yn rody y
kyghor hvnnv. blyghav a sorry a orvc. kanys choll en+
ny a|e holl lafvr ef oed en keyssyav e vrenhynyaeth
ydav e hvn. ac o achavs henny kynhyrfv e llys en ho+
llavl a orvc. Ac yr henny eyssyoes ny pheydyvs kara+
davc yarll kernyw a|e dechrewoed. namyn anvon
mevryc y vap a orỽc hyt en rvueyn y datkanv y va+
xen e kyghorev henny. Gwas yevanc hagen teledyw
oed e mevryc hvnnv hedvf clotvavr molyannvs a
glew a dewr en reyt e gwyr a gwychyr ene bey reyt
ydav ef y ornesv* Ac gwedy y dyvot ef rac bron ma+
xen ef a arvollet en anrydedvs y ganthav ef a|y holl
kytvarchogyon. Ac en er amser hvnnv dyrỽaỽr
tervysc ar ryvel oed er·rwng maxen a|r dev amh+
eravdyr oedynt en rvueyn nyt amgen. Gratyan
a valentynyan kanys e gwyr henny a daroed
| « p 78r | p 79r » |