Oxford Jesus College MS. 119 (The Book of the Anchorite of Llanddewi Brefi) – page 124v
Pa ddelw y dylai dyn gredu i Dduw
124v
A|hỽnnỽ a|rodir yr tagnouedv duỽ a|pechadur. Ac yr
rydhav eneit dyn o|bechaỽt marỽaỽl. Pedỽeryd
.Rinỽed. yỽ. peneit penyt. Sef yỽ hỽnnỽ. poeni o|dyn o arch
y|periglaỽr trỽy gỽbyl ediueirỽch. A chyffes lan. Ac
ynn teir rann y|doosperthir penyt. nyt amgen.
yn wedi. Ac yn vn pryt. Ac yn gardaỽt. Megys
dyn a|godho duỽ o|torri y orchymynnev. gỽneuthur
ohonaỽ yntev y|pynckev hynny trỽy ediuarỽch. a
chyffes lan. Gỽediet ar duỽ y|gaffel y|drugared
yn lle y|digrifuỽch a|gymerth yntev yn|y pechaỽt.
Poenet dyn y|gorff trỽy vnpryt. a|phererindodev se+
int. a|gỽeithredoed gobrỽyus. Ac o achos na ỽyr
dyn bot yn gymeredic gann duỽ y|ỽedi nev y|ỽeith+
ret. rodet gardodev o|e da pressennaỽl yr enryded
y|duỽ yr gỽediaỽ. Ac yr penydyaỽ drostaỽ. Pymhet
.Rinỽed. yỽ. aghennv. Sef yỽ hynny dodi oleỽ kyssegredic
ar dyn yn|y gleuyt periglus yd aghennyt dyn trỽy
leindit uuched. Madeuedic|vyd idaỽ yn hollaỽl y
pechodev marỽaỽl. Ar neillpeth a|dyỽedir y|damỽe+
inaỽ idaỽ. A|e dyuryssaỽ o|aghev. y|gaffel yechyt
ar vyr amser. A|dyn a|dylyir y aghennv ygynifer
gỽeith y|dygỽydo y|myỽn cleuyt periglus. Chỽe+
chet. Rinỽed. yỽ. Vrddev kyssegredic. Sef yỽ hynny.
teilygdaỽt a|medyant y ỽassannaethu duỽ. a|rin+
ỽedev yr eglỽys. Seithuet. Rinỽed. yỽ; priodas. a|honno
| « p 124r | p 125r » |