Oxford Jesus College MS. 119 (The Book of the Anchorite of Llanddewi Brefi) – page 127v
Pwyll y Pader, Hu
127v
garaỽc. kannys ỽyntỽy elchỽyl a|gaffant tru+
gared. Y|hỽechet* wedi ysyd yn erbynn glythni.
O|r honn y|dyỽedir. Et ne nos inducas in temptatio+
nem. Sef yỽnt pỽyll y|geireu hynny. na|dỽc ti ni
ym|prouedigaeth. Sef yỽ hynny. nat ti ni yn gel+
lyon trỽy gytsynnedigaeth didannỽch pechaỽt
marỽaỽl. Yr wedi honno y|rodir. rat. yspryt.
a|dyall. yny vo y bỽyt a|gadarnnhao yr eneit. Sef
yỽ hỽnnỽ. ymadraỽd duỽ. yn gỽahard y chỽant
odieithyr. ac velle ny digaỽn eissyỽedic gnaỽt
goruot ar|dyn. Vrth hynny iessu grist e|hun a|ỽrthe+
bỽys yr kythreul pann ỽelas bot neỽyn ar grist
gỽedy yr|vnprydyaỽ ohonaỽ deugeinos a|deugein
pryt yr hỽnn a|annoges idaỽ torri neỽyn y|gorff
gann ỽneuthur bara o|r mein. Ac yna y|dyỽat
iessu. nyt y|mara e|hun heb·y|duỽ y|mae buched
dyn. yny dangossei ef yn amlỽc pryt pann porth+
ir eneit dyn o|r bara o|r mein. Sef yỽ hỽnnỽ. rat.
a melyster. a|charyat. A phann gaho yr eneit
chỽeith ar y bara hỽnnỽ. bychan y|prydera erbyn
yr amser a|uyd rac llaỽ. Vrth hynny yn erbyn gly+
thni y|mae. dyall. ac yspryt. yr hỽnn a|ỽna llygat
yr eneit yn gyn|graffet. Ac yn gynn|oleuhet. Ac
yn gynn|lanet megys y ganer o|r yspryt deall
gleindyt callonn yr hỽnn a|obryn gỽelet duỽ.
| « p 127r | p 128r » |