Oxford Jesus College MS. 119 (The Book of the Anchorite of Llanddewi Brefi) – page 68v
Ystoria Lucidar
68v
o|arderchaỽc iechyt. velle y|diffyccya y|lleill o|gle+
uyt a gỽannder. A megys y|byd budugaỽl a|lla+
ỽen y|rei hynn o|wynnvydedic vyỽyt. Velle y
kỽynnyant y|rei ereill oc o|e doluruys hirhoe+
dli. A megys y|byd eglur y|rei hynn o echdy+
wynnedigrỽyd doethineb Velle y|byd tyỽyll y
lleill o aruthred yn·vydrỽyd. kannys beth|byn+
nac a|ỽdant. ac achỽannec o|ynvydrỽyd a|dolur
a|thrueni y|gỽybydant. a megys y kyssyllta me+
lys getymeithas y|rei hynn velle y poennya
chỽerỽ elynnyaeth y|lleill. a|megys y|mae kyt+
duundep y|rỽng y|rei hynn e|hun ac y·rygtunt
a|phob creadur velle y|byd anesgymot y|rỽng
y|rei hynny e|hunein ac agkytuundep y·rygtunt
a|phob creadur. A megys y|dyrcheuir y|rei|hynn
o oruchaf aallu. Velle y|gostyngir y|lleill o|r an+
allu mỽyhaf. a megys y|dyrcheuir y|rei|hynn
o|r anryded mỽyhaf. velle y|gostyngir y|lleill o|r
amarch mỽyhaf. A megys y|llaỽennhaa y|rei
hynn o|r arderchaỽc dibryderỽch. Velle yd er+
grynna y|lleill o|vỽyhaf aryneic. A megys
y|byd y|rei hynn yn canv o|dyỽededic leỽenyd.
Velle yd yttaa y|lleill o|r|tristỽch truanaf hep
trang hep orffenn. kas a|gaffant duỽ am|gei+
ssaỽ llesteiryaỽ adeilat y|dinas ef hyt y|gellynt
| « p 68r | p 69r » |