Breudwd Welsh Prose 1300-1425
Cymraeg

Oxford Jesus College MS. 20 – page 32r

Epistol y Sul, Mi yw Pedr Esgob Antioys

32r

two duỽ sul santeid. Mi a|agoraf vdunt
fenestri nefoed. ac ym·lahaf pob da udunt
o lauur y dỽylaỽ. ac a hỽyhaaf y blỽyny  ̷+
ded yn|y byt hỽnn trỽy iechyt a ỻewenyd
daearaỽl. ac ny byd trabludyeu gofalus
yn|y gwerin. a mi a vydaf ganhorthỽyỽr
vdunt. A gỽybydỽch mae mi yssyd iaỽn
arglỽyd. ac nat oes arglỽyd namyn mi.
kanys mi a dialaf pob drỽc a gofeileint
y ỽrthyỽch. Amen. ~ ~ ~
*Mi yỽ peder escob antioes. a dygaf myn
gaỻu duỽ yr hỽnn a greỽys nef a daear
a|r mor ac yssyd yndaỽ ac a greỽyt dyn
ar y delỽ a|e ffuryf e|hun. ac myn iessu
grist mab duỽ a diodefaỽd drossom ni
yr hỽn a daỽ y varnu ar vyỽ ac ar veirw
ac myn yr yspryt glan. ac myn y dri*+
vndaỽt diwahanedic. Ac myn y y petwar
agel ystor. a myn y petwar proffỽyt ar huge+
int ac myn y deudec ebystyl ac myn
yr hoỻ egylyon ac myn y wynvydedic
veir. ac myn rif y seint nyt ysgriuen+
naỽd neb y ỻythyr hỽn yn gyntaf onyt
duỽ e hun

 

The text Mi yw Pedr Esgob Antioys starts on line 11.