Oxford Jesus College MS. 20 – page 45v
Saith Doethion Rhufain
45v
hyt ar van y gaer y edrych ar yr ymwan
heb a·daỽ vn dyn yn|y llys. onyt vn
mab y marchaỽc yn kyscu y myỽn
crut a|e vilgi yn gorwed yn|y ymyl.
a chan weryrat y meirch ac angerd
y gỽyr. a thrỽst y gweywyr yn kyflad
ỽrth y taryaneu eurgrỽydyr y kyffro+
es sarf o vur y castell. a chyrchu neuad
y marchaỽc. Ac arganuot y mab
yn|y crut. a dỽyn ruthyr idaỽ. a chyn
ymgael ac ef bỽrỽ o|r milgi buanllym
neit idi. a chan eu hymlad a|e hymda ̷+
raỽ eỻ|deu. ym·choelut y crut a|e ỽyneb
y waeret a|r mab yndaỽ. A|r ki buan ̷+
llym bonhedic a ladaỽd y sarff. A|e ga ̷+
daỽ yn drylleu man yn ym·yl y crut.
A phan doeth yr arglỽydes y myỽn ac
arganuot y ki a|r crut yn waet+
lyt. dyuot yn erby n y marchaỽc
y·dan lefein a gwedi y gỽynaỽ rac y
| « p 45r | p 46r » |