Breudwd Welsh Prose 1300-1425
Cymraeg

Oxford Jesus College MS. 20 – page 59v

Saith Doethion Rhufain

59v

deỽinyon breudỽydyon. a gwelediga+
etheu a|delynt rac ỻaỽ yn oes oessoed
y bop ỻe. A|r kennadeu a damchwei+
naỽd ar was jeuangk a gaỽssei ra+
gor y gan duỽ o yspryt dewin·yaeth
y dehogyl breudỽydon. A|r gwas a duc+
pỽyt hyt rac bronn y brenhin. A|r bren+
hin gwedy y dyuot a venegis idaỽ y
vreudỽyt. Je heb y gwas dehogyl dy
vreudỽyt a wnaf a|th gyghori ditheu
amdanaỽ. Ac ony bydy ỽrth kyghor
ef a daỽ dy vreudỽyt ytt o·dieithyr dy
hun ual yd ỽyt yn|y gwelet drỽy dy
hun. ỻyma dy vreudỽyt heb y gwas.
y peir a|welut trỽy dy hyn* a|arỽydoc+
kaa y dinas hỽnn. y seith troet a welut
ynt y seithwyr yn|y lywyaỽ. y rei ys+
syd yn berwi o ormod kyuoeth a go  ̷ ̷+
lut. ac yn darparu brat ytt ony ledir
ỽynt yn ebrỽyd. Ac ny bu y brenhin
ỽrth gyghor y gwas yny ladassant ỽy