Oxford Jesus College MS. 57 – page 212
Llyfr Blegywryd
212
ỽrth y daly a|oruc ar yr haỽlỽr. am na|wadaỽd
yr|hynn a dywaỽt ynteu arnaỽ ef. Jaỽn yỽ
barnu braỽt idaỽ. ac y·sef a dyweit y gyfreith
yna nat oes atteb kyfreithaỽl namyn vn o
dri. ae adef. ae gỽat. ae ardelỽ kyfreithaỽl. Ac
ysef yỽ ardelỽ gorsaf kyfreith. ac ysef yỽ gor+
saf kyfreith. peth a|drosso y gyfreith. y peth y byder yn
dywedut amdanaỽ. ac a dycko peth araỻ a|vo
kystal ac ef. neu a vo gỽeỻ y bo reit amot* y
gyfreith y ỽrthaỽ. neu y ỽrth y dystolyaeth a
dotter arnaỽ. Ac ỽrth hynny y gelwir ardelỽ
yn orsaf kyfreith. kanys gorseuyỻ a|wna y gyf+
reith pan amotter*. ac ỽrth hynny y mae iaỽn
gorthrymu yr amdiffynnỽr. a mỽynhau tyston
yr haỽlỽr. a|ỻyna gynghaỽssed am|da ny aỻer
kafel y welet yn gyndrychaỽl. O deruyd y
dyn welet y da yn gyndrychaỽl. gỽedy dycker
yn anghyfreithaỽl. Jaỽn yỽ idaỽ dyuot uch
penn y|da. a dywedet vot yn|y eidaỽ ef y da
hỽnnỽ. a|e vot yn|berchennaỽc arnaỽ pan
y ducpỽyt yn anghyfarch y ganthaỽ. ac
| « p 211 | p 213 » |