Oxford Jesus College MS. 57 – page 61
Llyfr Blegywryd
61
o|r dylyet oỻ kynny chymero ffyd y|talaỽdy*.
Gỽedy del oet dyd talu. y mach a|dyly oet dyd
y gymeỻ y talaỽdyr. Oet mach y barattoi tal
vn dyd a|phythewnos os reit idaỽ talu. O deir
fford yd oedir mach a chynnogyn. o glybot
corn y brenhin yn mynet yn|y luyd. ac o haỽl
treis. ac o haỽl ledrat. Teir meuylỽryaeth
mach yssyd. gỽadu y vechni ac ef yn uach.
ac adef y vechni ac na aỻo y chymeỻ. a die+
bryt mach gỽedy roder. Mach a|dyly dỽyn
gauel gyt a|r|dylyaỽdyr hyt yn diogel neu
dalet e|hun. Na chymerer gauel y talaỽdyr
o·nyt y mach a|e dyry. Kyt el mach dros
dalu. na thalet yny baỻo y talaỽdyr. ny
byd paỻedic y talaỽdyr tra safo ỽrth gyfreith.
kynny bo idaỽ namyn tri thudedyn. ef a
dyly talu y deu. a|chynnal y|trydyd ym pob
M ach a|watto y uechni [ amser.
gỽadet ar y seithuet o|r dynyon nessaf
y werth. ac os bri·duỽ a|watta. e|hun a tỽng
| « p 60 | p 62 » |