NLW MS. Llanstephan 27 (The Red Book of Talgarth) – page 136r
Buchedd Martha
136r
M *artha oed chwaer y veir uadlen. a ỻettywreic y
Jessu grist. ac ny bu achaỽs idi eiryoet a chyt+
knaỽt gỽr. A gỽedy ysgynnu o|n arglỽyd ni iessu grist y|r
nef. a dehol y disgyblon o|r anffydlonnyon Jdewon. wynteu
a vỽryassant vartha a lazar y braỽt. a meir uadlen y chỽ+
aer. a maximinus gỽynuydedic esgob. y gỽr a|e bedydyaỽd
o rybud yr yspryt glan. a ỻawer o gristonogyon ereiỻ a
vỽrywyt y·gyt y myỽn hen ỻong. heb na rỽyfeu na raffe+
u. na chyweirdabeu a berthynynt y|r ỻong yn|y mor y geis+
saỽ eu bodi. ac eissoes trỽy nerth duỽ ỽynt a vỽrywyt y bor+
thua a|elwit marsli. ac o·dyno y doethant y|r dinas a|el+
wit acrys. Wyntỽy a ymchoelassant lawer o bobloed yno
y|ffyd a chret. a blỽydyn y bu glaf martha o|r deirthon.
Ac ỽythnos kynn y marỽ hi a welei eneit meir uadlen y
chwaer. a choreu engylyon yn|y dỽyn y oruchelder nef.
Ac yna y peris hi dyvynnu y chenedyl a|e chedymdeithon.
a|e brodyr maeth attei. a dywedut ỽrthunt y bot hi yn gỽ+
elet eneit y chwaer yn buchedockau y·gyt a Jessu y ỻetty+
ỽr hi. ac yna gỽybot diwed y buched hitheu yn dynessau.
ac erchi a|oruc y|r gỽassanaethwyr ennynnu ỻugyrn a go+
leudeu ereiỻ yn|y chylch ỽrth y hangeu. Ac am hanner
nos kysgu a|wnaethant y gỽassanaethwyr oỻ. a dyuot ka+
wat o|wynt a|diffodi yr|hoỻ oleuat o gwbyl. Ac yna y gỽ+
elei hi tỽryf o ysprydolyon drỽc. a gỽediaỽ a|oruc hitheu
a|dywetut. arglỽyd heb hi ỻyma vyng|caỻon a|m hoỻ weith+
redoed drỽc yn ysgriuennedic ganthunt. Elẏ elẏ. heb hi.
Sef yỽ hynny. arglỽyd na pheỻaa y ỽrthyf. namyn kan+
The text Buchedd Martha starts on line 1.
| « p 135v | p 136v » |