NLW MS. Llanstephan 27 (The Red Book of Talgarth) – page 22r
Ystoria Lucidar
22r
1
gỽerthuaỽr. a digrifhau o amryỽ wledeu. teimlaỽ petheu
2
claear hynaỽs. y·gyt a|hynny medu ỻawer o olut. ac amry+
3
uaelyon dotrevyn. a|hynny oỻ a|vyd udunt ỽy heb dervyn
4
uyth arnunt. discipulus Owi o|r ewyỻys a|geiff yr olỽc yna. Magister Kys+
5
tal y gỽyl y ỻygeit yna yn gaeat ac yn agoret. kystal y gỽyl
6
paỽb a|e lygeit yna a|e gilyd. ỽynt a|welant brenhin y gogony+
7
ant yna yn|y degỽch a|e anryded. ac ỽynt a|welant y hoỻ engyly+
8
on a|e hoỻ seint o vyỽn ac odieithyr. a gogonyant duỽ. a|gogo+
9
nyant yr engylyon. a|r padrieirch. a|r proffỽydi. a|r ebystyl. a|r
10
merthyri. a|r conffessoryeit. a|r gỽerydon. a|r hoỻ seint. ac ỽ+
11
ynt a|welant eu ỻygeit eu hunein. a|e hwynebeu. a|e hoỻ ae+
12
lodeu o vyỽn ac odieithyr. a|medylyeu paỽb yn|wahanredaỽl.
13
wynt a|welant bop peth oc yssyd yn|y nef newyd. ac yn|y daear
14
newyd. ac ỽynt a|welant eu|gelynyon a|e poenes ỽnt* gynt
15
yn uffern. ac o|hynny oỻ y ỻawenhaant ỽy. megys na aỻ+
16
er y dywedut. discipulus O glywet y seint. Magister Ewyỻys eu clywededi+
17
gaeth a|gaffant ỽy. kanys ỽynt a|gaffant ac a|gymerant yr
18
arogleu bonedigeidyaf. o ffynnaỽn yr hynaỽster ac o|r|engyly+
19
on ac o|r seint. Ewyỻys eu klywededigaeth a gaffant. kanys
20
ỽynt a|glywant armoni nef. a melys geinyadaeth yr engy+
21
lyon. ac organeu y seint. discipulus O vlas y seint. Magister Ewyỻys eu
22
blas a|gaffant. kanys gỽledeu a|ỻewenyd a|gymerant yng
23
gỽyd duỽ. a phan ymdangosso gogonyant yr arglỽyd y
24
kaffant eu gỽaly. ac o|ffrỽythlonder ty duỽ y medwir ỽynt
25
med y proffỽyt. Ewyỻys eu teimledigaeth a|gaffant yn|y mod
26
hỽnn. Yn|y ỻe y kyfaruu ac ỽynt bop peth garỽ calet. ef a gyf ̷+
27
ervyd ac ỽynt bop peth yn glaear hynaỽs. discipulus O olut y seint. Magister
| « p 21v | p 22v » |