NLW MS. Llanstephan 27 (The Red Book of Talgarth) – page 57v
Ystoria Adrian ac Ipotis
57v
wedaỽl. a phlas gossodedic yỽ ynghyueir gỽeinyo* a|thlody+
on. yn y ỻe y mae goleuni heb dywyỻỽch yn|dragywyd. Y pym+
het nef yssyd hir a meith a|ỻydan o|dynolyaeth dwyỽaỽl. A
phei na bei y|diodeifyeint ef a|e dynolyaeth neur athoed y byt
y|nghyfyrgoỻ. Y chwechet nef yỽ yr eglỽys gatholic. yn|y ỻe y
maent bydinoed dwyaỽl yn kanu dedyfaỽl wassanaeth yn
herwyd eu hurdas y duỽ. ac yn|ỻaỽn o engylyon yn kanu mo+
lyant y duỽ dyd a nos. Y seithuet nef med yr ystorya yỽ para+
dỽys. yno y byd eneidyeu ry darffo udunt benydyaỽ yn|y pur+
dan yn|didram·gỽyd dragywydolder. a ỻyna heb y mab ỽrth
yr amheraỽdyr y seith nef y maent yn eidyaỽ y|n iachỽya+
ỽdyr ni iessu grist. Ẏr amheraỽdyr yna a|ovynnaỽd y|r mab
pa saỽl crefyd o|engylyon yssyd. Y maent yn|y nef o engyly ̷+
on heb y mab. naỽ crefyd. Kyntaf yỽ. chreubin. sef yỽ hỽnnỽ
angel kanhorthỽy. a|r eil yỽ seraphin. a|r trydyd yỽ trones.
Pedweryd yỽ dominaciones. sef yỽ hynny arglỽydiaetheu.
Chỽechet yỽ medyanneu. Seithuet yỽ nerthoed. sef yỽ ~
hynny rinwedaỽl grefyd. Wythuet yỽ. engylyaeth. Naỽuet
yỽ arch·engylyaeth. a|r decuet yỽ crefyd knaỽtaỽl. ac oho+
nunt kyflaỽn vyd y plas. a nef yssyd gan ystlys hynny
yr hỽnn a goỻes luciffer am y gamsyberỽyt. Ac yno y byd
dynolyaeth yn kyfyaỽn dywyssaỽc ni. Yna y govynnaỽd
yr amheraỽdyr y|r mab. pa|beth a|wnaeth duỽ y dyd kynt+
taf. Kyntaf y goruc ef engylyon nef ac arch·engylyon.
a hynny a|oruc ef duỽ sul. duỽ ỻun y goruc ef yr wybreu
a|r ỻeuat a|r heul a|r syr y rodi goleuni ohonunt. Duỽ
maỽrth y goruc iessu y mor. a|r tir. a|r ffynhonneu y ar ̷ ̷+
| « p 57r | p 58r » |