NLW MS. Llanstephan 27 (The Red Book of Talgarth) – page 9v
Ystoria Lucidar
9v
discipulus Pa amser vu hỽnnỽ. Magister Ym perued y byt. discipulus Pa|ffuryf y ga+
net ef o|r wyry. Magister Heb vudred a|heb dolur. discipulus Paham y bu
ef naỽ mis ym|bru yr wyry. Yr dangos y|dygei ef baỽp o|r
a yttoedynt yng|gỽarchaeu trueni y byt hỽnn yng|kedym+
deithyas naỽ rad yr engylyon. discipulus Pa aỽr y ganet ef. Magister Me+
gys y dyweit y proffwyt hanner nos y doeth ef o|e eisteduaeu
brenhinaỽl. discipulus Paham y|nos. Magister|Y dwyn y rei a oedynt yn
tywyỻỽch kyfeilyorn y oleuni gỽirioned. discipulus a oed synnwyr
gan grist ac ef yn vychan. Magister Ef a|dywaỽt pob peth megys
duỽ. yn|yr|hỽnn yd oedynt hoỻ drysor gỽybot a|doethineb
kudyedic. discipulus A aỻei ef dywedut pan anet na cherdet. Magister|Gaỻ+
ei pei as|mynnei. ny mynnaỽd ef hagen symudaỽ dyny+
aỽl anyan. discipulus A|damchweinyaỽd neb·ryỽ anryuedaỽt pan
anet crist. Magister Damchweinyaỽd seith gỽahanredaỽl. discipulus Pa
rei vu y rei hynny. Magister Y kyntaf vu seren diruaỽr y goleuni
a|ymdangosses. Yr eil. kylch eureit a|ymdywynygaỽd yng+
kylch yr heul. Y trydyd. ffynnaỽn o oleu a dardaỽd o|r daear.
Y pedweryd. tangnefed a vu yna yn yr hoỻ vyt. Y pymhet. ys ̷+
griuennu a|wnaethpỽyt y|r|hoỻ vyt y dalu sỽỻt y ruuein. Y
chwechet vu deng|mil ar|hugeint o|r rei a ymwrthodes a
duỽ. a|las yn|yr vn dyd. Seithuet vu. yr aniueilyeit mut
a|dywaỽt. Mi a|vynnỽn wybot ystyr y rei hynny a|e rinw+
edeu. Sef a arwydockaant y seint a|r seren rac·eglur
yỽ y pennaf o|r seint. sef yỽ hỽnnỽ crist. Y kylch eur yr hỽnn
a|disgleiryaỽd yng|kylch yr heul a|arwydockaa. eglỽys duỽ
a|oleuhaa. o heul y wirioned. ac a|goronhaaỽd o borthuaỽr
y diodeivyeint ef. Y ffynnaỽn o oleu a dardaỽd o|r daear yỽ
| « p 9r | p 10r » |