NLW MS. Llanstephan 4 – page 27r
Buchedd Dewi
27r
uan ac wylouein a|dagreu. ac yn dyw+
edut. och na lỽngk y daear ni. Och na
daỽ tan y|n ỻosgi ni. Och na daỽ y|mor
dros y tir. Och na syrth y mynyded ar
yn gỽastat ni. A phaỽb haeach a oed
yna yn mynet y agheu. O duỽ sul
hyt duỽ merchyr gỽedy marỽ dewi
ny lewssant na bỽyt na|diaỽt. namyn
gỽediaỽ drỽy dristit. a nos vaỽrth
ynghylch canu y keilyaỽc nachaf
lu o egylyon yn ỻenwi y dinas a|phob
ryỽ gerdeu a digrifỽch ym|pop ỻe yn|y
dinas yn ỻaỽn. Ac yn|yr aỽr uore na+
chaf yr arglỽyd Jessu grist yn dyuot
a chyt ac ef naỽrad nef megys yr
adaỽssei yn|y vaỽrhydri. a|r heul yn
eglur yn egluraỽ y|r hoỻ luoed. a
hynny duỽ maỽrth y dyd kyntaf o
galan maỽrth y kymerth iessu grist
eneit dewi sant ygyt a maỽr uudu+
golyaeth a ỻewenyd ac enryded. gỽe+
dy y newyn a|e sychet a|e annwyt a|e
lauur a|e|dyrwest a|e gardodeu a|e
vlinder a|e draỻaỽt a|e brouedigaetheu
a|e vedỽl am y byt. y kymerth yr engyl+
yon y eneit ac y|dugant y|r ỻe y mae
| « p 26v | p 27v » |