NLW MS. Peniarth 11 – page 28v
Ystoriau Saint Greal
28v
yn gadarnach noc araỻ. herỽyd y|tebygit ỽrthyt ỽrth a
welir arnat odieithyr. ac am hynny y kynghorỽn ytt
ỻywyaỽ yn da yr hynn a|roes duỽ attat drỽy y amylhau.
ac o|r|gỽnaethyost bechodeu galỽ ar|drugared drỽy gyffes
ac ediuarỽch. a gỽeỻau dy uuched. a|mi a|wrantaf os ueỻy
y gỽney di y gỽna duỽ yrot titheu gymeint a|th|alỽ attaỽ
y gymryt ỻewenyd dy|arglwyd. ~ ~ ~
A Rglwyd heb y laỽnslot yna. y parabyl a|dywedeist di
am y tri gweis a gymerassant yr eur yssyd yn vyng
callon J yn vaỽr. kanys myvi a wnn vyng|gwneuthur o
duỽ yn dec ac yn|dec ac yn gadarn. a|m kannysgaedu o bop
donyeu. a minneu debygaf|i a|e kudyeis ỽyntỽy hyt na aỻ+
af dalu kyfrif o·honunt y|m arglwyd pan y gofynno ym.
ac am hynny y geỻy di vyng|kyffelybu J y|r gwas drỽc a gudy+
aỽd yr aryant. kanys mi a|wassaneythyeis vyng|gelyn yr
pan y|m ganet. ac a adeweis vyng|creaỽdyr o achaỽs vyn
diruaỽr bechodeu. drỽy y rei y dangosses y kythreul ym di+
grifỽch yn|y byt hỽnn. Eissyoes ny dangosses ef y mi y
poeneu a gaffỽn amdanunt. Pan gigleu y meudỽy ef yn
parablu ueỻy ef a|dywaỽt dan wylaỽ. Laỽnslot heb ef o|r
buost di gyndrỽc gynno hynn a mynet y ar dy fford dy
hun ar|anghyueilyorni. keis dyuot beỻach y fford y wirio+
ned. Ac yna ef a|dangosses y laỽnslot delỽ y groc a oed gyf+
erbyn ac ỽynt. Pony wely di heb ef delỽ y groc racko a|e
breichyeu ar ỻet. yn vn ffunyt a|hynny y mae Jessu grist a|e
vreichyeu ar|ỻet yn baraỽt y erbynnyeit pob pechadur o|r
| « p 28r | p 29r » |