NLW MS. Peniarth 18 – page 13v
Brut y Tywysogion
13v
ywythyr yr hỽnn pan welas yỽein a|dywat ỽrth+
aỽ edrych na hỽyrheych dyuot at y brenhin
rac raculaenu o|ereill cael kedymdeithas y bren+
hin. Ac ynteu a|gredaỽd hynny a|dyuot a|ỽnaeth
att y brenhin. ar brenhin a|e haruolles yn llaỽen
trỽy vaỽr garyat ac anryded ef a|e lu. Ac yna y
dywaỽt y brenhin ỽrth yỽein. kanys deuthost
attaf o|th uod a|chanys credeist kennadỽri vyg+
hennade. i. Minheu a|th|uaỽrhaa di ac a|dyrchaf+
af yn vchaf ac yn penhaf o|th|genedyl. ac mi a
dalaf yt yn gymeint ac y kyghoruynho paỽb
o|th genedyl ỽrthyt. A mi a|rodaf it dy holl tir
yn ryd. A phan gigleu Ruffud hynny hedychu
o ywein ar|brenhin. anuon kenhadeu a|oruc. grufud.
at y|brenhin y|geissaỽ hedỽch y|gantaỽ. ar bren+
hin a|e kymerth ef y|hedỽch trỽy talu idaỽ dreth
vaỽr. ac ymhoelut a oruc y brenhin y|loegyr ac
erchi y ywein dyuot ygyt ac ef. a|dywedut idaỽ
y|talei idaỽ a|uei gyfyaỽn. a|dyỽedut ỽrthaỽ hynn
a|dyỽedaf it. Mi a|af y|normandi. ac o|deuyt di gyt
a mi. Mi a|gyỽiraf it pop peth o|r a|edeỽeis it. a|mi
a|th|ỽnaf yn varchaỽc urdaỽl. a|chanlyn y bren+
hin a|ỽnaeth drỽy y mor. ar brenhin a|gyỽiraỽd
idaỽ pop peth o|r|a|edeỽis idaỽ. Y vlỽ+
ydyn racwyneb yd ymhoelaỽd y brenhin o|nor+
mandi ac yỽein vab cadỽgaỽn ygyt ac ef ac
| « p 13r | p 14r » |