NLW MS. Peniarth 18 – page 16r
Brut y Tywysogion
16r
wrthunt dyỽedỽch val y dyỽetoch dangossỽch ar
aỽch gỽeithredoed yr hynn yd|ytyỽch yn|y adaỽ
ar aỽch tauaỽt. Reit yỽ yỽch kadỽ castell caer+
vyrdin yr hỽnn bieu y|brenhin pop vn ohana+
ỽch yn|y gossodedic amser val hynn cadỽ y cast+
ell o yỽein ap Cradaỽc pethaỽ·nos. A ryderch ap
teudỽr pethaỽnos arall. A Meredud ap Ryderch
ap Cradaỽc pethaỽnos trydyd. ac y bledri vab
kediuor y gorchymynnỽyt castell Rotpert laỽ+
gam yn aber cofỽy. A gỽedy anssodi y petheu
hynny. Gruffud vab rys a pryteraỽd am anuon dis+
gỽyleit am torri y castell neu y losgi. a|phan ga+
uas amser adas val y gallei yn haỽs kyrchu
y castell. Yna y damỽeinaỽd bot yỽein vab cra+
daỽc ar y|gylch yn cadỽ y castell. Ac yna y|duc
Gruffud ap Rys a|e gedymdeithon kyrch nos
am ben y castell. a|phan gigleu ywein a|e get+
ymdeithon kynnhỽrỽf y|gỽyr a|e geỽri yn dy+
uot. kyfot yn ebrỽyd o|r ty lle yd oed ef a|e|get+
ymdeithon. ac yn|y lle y|clywei yr aỽr. ef e|hun
a|gyrchaỽd ymlaen y vydin a|thybygu vot y|ge+
tymdeithon yn|y ol. hỽynteu wedy y|adaỽ ef e
hunan a ffoyssant ac velly y|llas yna. A gỽedy
llosgi y rac castell heb uynet y myỽn yr tỽr yd
ymhoelaỽd ac yspeileu gantaỽ yr gnottaedi+
gyon goetyd. Od·yna yd ymgynnullassant
| « p 15v | p 16v » |