NLW MS. Peniarth 190 – page 109
Ystoria Lucidar
109
beth|bynnac a|bechaỽd yr eneit o|r teir nerth
drỽy bedwar defnyd dyn yn erbyn seith rinỽ+
ed yr yspryt glan. y dileu. a ỻyna yr achaỽs
drỽy dridec y kyfyt dec ar|hugeint. Drỽy dri
y dyeỻir newyd dedyf. o achaỽs ffyd y drinda+
ỽt. a|thrỽy dec y dyeỻir hen dedyf o|achaỽs y
dengeir dedyf. a redec y mis yn dec niwarna ̷+
ỽt. Ac ueỻy y dyeỻir beth bynnac a bechaỽd
dyn yn|y missoed yn erbyn hen dedyf a|new+
yd dedyf. Odyna y vlỽydyn yỽ crist. megys
y dywedir. Yr arglỽyd yỽ y vlỽydyn dangne+
uedus. Y missoed yỽ yr ebystyl. kỽrs yr heul
yỽ y vlỽydyn. megys y|dywedir. Kỽrs y ỻoer
yỽ y mis. ac ỽrth hynny y gỽneir purdan y
vlỽydyn. megys y madeuer idaỽ yn hynny
o ennyt. beth|bynnac a bechaỽd yn erbyn
crist heul y wirioned. a|r eglwys yr|honn
yssyd leuat y|r|deudeng|mis. sef yỽ hynny dysc
y deudec ebystyl. discipulus Pa|beth yỽ purdan. Magister Y
rei y byd purdan yn|y byt hỽnn. megys go+
vidyeu a|choỻedeu a|wnel dynyon drỽc ud+
unt. Y|ereiỻ drỽy boeni ohonunt e|hunein
| « p 108 | p 110 » |