NLW MS. Peniarth 190 – page 70
Ystoria Lucidar
70
heb achaỽs idaỽ. ỽrth hynny amlỽc yỽ
na losgyr ac na distrywir nac eglỽys na
thy yn|y byt. onyt drỽy y uarnu o duỽ
yn gyntaf. Ef a|damchweinha hynny
heuyt o dri achaỽs. Kyntaf yỽ o|r adeil+
ir drỽy da a geisser ac amlyner ar gam.
Eil yỽ os y neb a|e kyuanheda a|e helyc
aflanweithrỽyd ac ysgymundaỽt. Try+
dyd achaỽs yỽ. os y perchennogyon a|e
carant yn vỽy no phebyỻeu tragywyd.
ac ny byd marỽ y ỻỽdyn ỻeiaf y dyn ac ̷
ny byd claf o·nyt o beri o duỽ. discipulus Os ang+
heu neu gleuyt yssyd boeneu y bechaỽt
paham y godef yr ysgrybyl y poeneu hyn+
ny pryt na wypont synhỽyr y bechu.
Magister Drỽy y rei hynny y poenir dyn pan
dristaer oc eu dolur a|e hangenn. discipulus Ef
a|dichaỽn hynny vot am yr aniueileit
dof. beth a|dywedy ditheu am y rei gỽyỻt.
Magister Yr heint a|vo arnadunt a|damchweina
udunt o|r awyr ỻygredic. neu o achaỽs pe+
| « p 69 | p 71 » |