NLW MS. Peniarth 190 – page 71
Ystoria Lucidar
71
theu ereiỻ gỽrthỽyneb a|damchwein+
ont o|bechaỽt. discipulus Beth yỽ hynny. Magister Rac
anuonedigaeth duỽ. y ỻunyaeth a|wnaeth
duỽ e|hun. gỽneuthur y|byt y|drossi rei
o deyrnas nef nef*. ac ny dichaỽn neb o+
nadunt mynet yng|kyuyrgoll ac yssyd
reit eu gỽneuthur oỻ yn iach. discipulus Ony di+
chaỽn neb o·nyt y rei da vynet yn iach
paham y crewyt y rei ereiỻ. neu paham y
kyuyrgoỻir y rei camgylus. Magister Beth byn+
nac a|wnel y rei hynny ny aỻant ỽy vynet
yng|kyfyrgoỻ. kanys pob peth a|lauuryant
yn da hyt yn oet eu pechaỽt. Kanys gỽedy
eu pechodeu gỽrthrymaf y bydant ufudach
gan|diolỽch y duỽ eu hyechyt yn ffrỽythlo+
nach a|wnant. a|r rei drỽc a|grewyt o achaỽs
yr etholedigyon. ac y wneuthur da ohonunt
o achaỽs y rei drỽc. ac o|e hemendanu ỽyn+
teu o|e gỽydyeu. megys y beynt ogonedus
o|welet y rei ereiỻ. a|phan|welont ỽy y rei
ereiỻ yn eu poeneu mỽy vyd eu ỻewenyd
| « p 70 | p 72 » |