NLW MS. Peniarth 190 – page 77
Ystoria Lucidar
77
aflan. megys y dywedir. Pỽy a dichaỽn gỽ+
neuthur yn lan y peth a gaffer o hat aflan.
ac yn|ỻe araỻ y dywedir. Yn enwired y|m
kahat i. discipulus Pan lanhaer dyn yn gỽbyl drỽy
uedyd. ac yn wir vot priodas yn lan ac yn
da. paham y dywedir bot yn vudyr hat
hỽnnỽ. Magister|Dyn a|lanheir o vyỽn ac odiei+
thyr drỽy vedyd. ac eilweith y halogir y hat
ef drỽy chwant y cnaỽt. pryt na aỻo y
kymysc hỽnnỽ bot heb rỽndwal digrifỽch
ac ny dichaỽn y rith ny ffuryfhaỽyt etto
gỽrthỽynebu o|e rieni. discipulus Pa delỽ y bydei
aflan hỽnnỽ na cherydus. Magister O bechaỽt
adaf y daỽ y baỽp y kared hỽnnỽ yn creu
eu plant megys tref·tadaỽl dylyet. ac am
hynny y byd marỽ paỽp yn adaf. discipulus|Pa
delỽ y genir ỽynteu yn vyỽ. Magister Megys ot
ymdengys dyn drỽy ffenestyr. a|r aỽr honno
kilyaỽ drachevyn. veỻy dyn a aner. me+
gys ymdangos y|r byt y mae. ac ymchoe+
lu drachefyn y angheu yn|y ỻe. discipulus O|r ma+
| « p 76 | p 78 » |