NLW MS. Peniarth 32 (Y Llyfr Teg) – page 160
Llyfr Iorwerth
160
1
kyfreithaỽl; yr mynnu aryant. o|r byd marỽ yr ysgry+
2
byl; ef a|e tat. Pỽy bynnac a|dalyo ysgrybyl
3
ỻawer ac attal vn ar uedỽl y dylyu tros eu gỽe+
4
ithret oỻ. a goỻỽg y ỻeiỻ ymeith; ny dyly ef
5
namyn a|del o|r vn ỻỽdyn hỽnnỽ. Pỽy bynnac
6
a gaffo man ysgrybyl ar y yt. ae dauat. ae
7
gafyr. ae hỽch. Keinhaỽc a dyly ef o|r dauat.
8
neu o|r afyr gỽedy as|dalyo bumweith. a chein+
9
haỽc o|r hỽch bop treigyl o|r y|dalyo. O deruyd
10
idaỽ ynteu tebygu dylyu y dauat neu yr afyr
11
gỽedy as dalyo degweith ar|hugeint. neu yr
12
hỽch gỽedy as|dalyo pymtheg|weith; ny|s|dyly.
13
kanys dewis a|dyly perchennaỽc yr ysgrybyl.
14
ac nat oes idaỽ ynteu eil dewis. kanys nyt oes
15
yno namyn vn ỻỽdyn. ac na eỻir dewis ar un.
16
Pỽy bynnac a|del y oỻỽng ysgrybyl tros araỻ;
17
iaỽn yỽ y|r deilyat gouyn idaỽ a seif ef ympob
18
pỽngk drostunt ỽy. ac ony seif; ny dyly eu go+
19
ỻỽng idaỽ. a chyt bỽynt marỽ; yr na|s caffei ef
20
ueỻy ny thelir yr vn. Os ynteu a seif drostunt
21
ỽy ym·pob peth; kymerer gỽystyl y ganthaỽ.
22
a mach ar dilysrỽyd y gỽystyl. ac o|deruyd dyuot
23
perchennaỽc araỻ ac amlyssu y gỽystyl. ef a
24
dyly o|r eidaỽ ef dyuot kystal a|r gỽystyl yn|y
25
le. kynn mynet y ỻaỻ y ganthaỽ. Y gỽystyl
26
a wystlo y wreic; ny dyly y gỽr y amlyssu. na|r
| « p 159 | p 161 » |