NLW MS. Peniarth 32 (Y Llyfr Teg) – page 244
Ystoria Adda
244
dywat yr agel ỽrtaỽ*. Kymer y tri gronyn hyn gyt
a thri cheudaỽt o aual. A|da y gaỻei y rei hyn vot
o|r pren gỽahardedic. A|r agel a erchis idaỽ dodi y tri
gronyn hynn y·dan dauaỽt y tat pan vei varỽ. kanys
ef a uydei varỽ y trydy dyd gwedy delhei attaỽ. A heb
ohir gỽedy dywedut hynny o|r agel; y mab a|ym+
choelaỽd at y tat. A phob peth a adrodes ef y tat o|r
a weles. ac a|gigleu a|r hyn a orchymyna˄ỽd yr agel
ydaỽ. Ac yna y bu lawen adaf ac y chwardaỽd vn+
weith ac y gelwis ar y arglỽyd yn vchel. Arglỽyd
arglỽyd digaỽn yd ỽyf vyỽ. mu* a adolygaf it kym+
ryt vy eneit. Ac veỻy y bu varỽ adaf y trydyd dyd.
Ac y cladaỽd seth y vab ef yn dyffryn ebron. Ac y
dodes y tri gronyn racdywededic y·dan dauaỽt y tat
o|r rei y gorỻỽydỽysant teir gỽyalen yn amser
byrr yn gyhydyt a chyfelyn. vn ohonut* oed
cedrus. a|r ỻaỻ cipressus. A|r trydet oed pinus drỽy
y wyalen gyntaf y geỻir deaỻ y tat. o achaỽs
gnotau o|r pren hỽnỽ tyfu yn vch noc vn pren
araỻ. drỽy yr eil wyalen y deeỻir y mab. o achaỽs
bot yn weỻ ac yn tegach y arogleu no phren araỻ
Drỽẏ y trydyd wyalen y dyeỻyr yr yspryt glan. o
achaỽs dỽyn o|r pren hỽnnỽ amhẏlder o|ffrỽyth. y+
ueỻy y buant y teir gỽyalen hyn yn seuyỻ yg
geneu adaf hyt amser noe. Ac o amser noe hyt
yn amser abraham ac o amser abraham hẏt yn
| « p 243 | p 245 » |