NLW MS. Peniarth 33 – page 26
Llyfr Blegywryd
26
en buch ẏr haf ẏ|wnneuthur kebys+
treu y|veirch ẏ|brenhin. A hẏnnẏ kẏnn
ranu ẏ|crỽẏn rỽg ẏ|distein a|r sỽẏdogẏon
Ef a|geiff coesseu ẏ gvarthc* a|lather
ẏnn|ẏ gegin. O|aryant ẏ guastrodẏon
y|keiff rann deuwẏr. hen gẏffrỽẏ* a ̷
hen ffrỽẏn amỽs y|brenhin a|geiff. Pen+
guastraỽt a|r|guastrodẏon a|gaffant ẏr
ebolẏon gwẏllt oll a|del ẏ|r brenhin o.
traẏan anreith; Ancỽẏn nẏt amgen
.seic. Ef a|dẏlẏ ẏstynnu pob march a|ro ̷+
tho ẏ|brenhin. Ac o bop march y keiff
ef pedeir keinnaỽc eithẏr o|tri meirch.
Y march a rother ẏ|r offeẏrat teulu.
A|r hỽnn a|rother ẏ vraỽdỽr ỻys. A|r hỽ ̷+
nn a|rother ẏ|croessanneit. Kannẏs rỽ ̷+
ẏmaỽ troet kebẏstẏr hỽnnỽ a|wneir ỽr ̷+
th ẏ|dỽ·ẏgeill. ac vellẏ ẏ|rodir. Ynteu ̷
a|dẏlẏ rodi gan bop march kebystẏr.
Ef a|dẏlẏ ẏ|braỽdỽr ẏ|varch ẏn gẏỽeir
Y|braỽdỽr dylẏ dangos idaỽ ef y|kyfre+
ith a|e|dẏlẏet ẏn|rat. ẏ|tir a|geiff ẏn
rẏd ẏ|gan y|brenhin a|e varch a|geiff
dỽẏ raiineu* o|r brann*. lle ẏ penguastra+
ỽt a|e getẏmdeithon ẏnn|ẏ neuad ̷ ̷
| « p 25 | p 27 » |