NLW MS. Peniarth 33 – page 55
Llyfr Blegywryd
55
chreuho dadẏl ar gẏlus kẏtrẏchaỽl paraỽt
ẏ|wrtheb. a|guedẏ hẏnnẏ tewi ỽrthaỽ vn ̷
dẏd a|blỽẏd·ẏn am ẏr vn dadẏl honno;
nẏ dẏlẏir ẏ|warandaỽ rac ỻaỽ. onnẏ
phallỽ·ẏs kẏfureith idaỽ o|ỽẏỽn ẏ|vl ̷+
T Alawdẏr ar nẏ [ wẏdẏn.
thalho cỽbẏl o|e dẏlẏet ef a|dẏlẏ
ẏ|talu. O o*|r bẏd ẏrỽg ẏ|talaỽdẏr a|dẏ+
lẏaỽdỽr dẏd gossodedic ẏ|dẏlẏet ẏ|talu;
ef a|dẏlẏir arhos ẏ|dẏd. Pỽẏ|bẏnnac a
ovẏnnho dẏlẏaet* trỽẏ gwẏn kẏnn|ẏ.
oet. kẏhẏt a|hẏnnẏ ẏ|dẏlẏ ef bot heb·daỽ
gỽedẏ ẏr oet Pỽẏ|bẏnnac a|gẏmero ga+
uel dros dẏlẏet heb ganhat arglỽẏdi+
aeth; camlẏrẏus vẏd O teir fford ẏ|bẏd
rẏd mach am|ẏ dẏlẏet kẏuadef; vn ẏỽ.
o|rodi oet heb ẏ|gannat dros ẏr oet kyn+
taf; Eil ẏỽ; talu ẏ|dẏlẏet; Trẏded ẏỽ;
dỽẏn gauel am ẏ|dẏlẏet. Oet mach
ẏ|wẏbot ae|mach ae nẏt mach. tri di ̷+
eu Reit ẏỽ; dẏuot teri* llaỽ ẏgẏt
ỽrth rodi dẏn ẏn vach. llaw ẏ mach.
a|llaỽ ẏ|neb a|e rotho ẏn vach. a|llaỽ
ẏ|neb a|e kẏmero. Ac ẏmffẏdẏaw o ỻaỽ
| « p 54 | p 56 » |