NLW MS. Peniarth 35 – page 7v
Llyfr Cynog
7v
1
teruyn ar y gynghassed. Ac yn| y braỽt·lyuyr
2
y mae y uraỽt a dylyir ar y gynghaỽssed honn.
3
Llyma gyghaỽssed arall. Pỽy| bynhac a
4
wertho hỽch torraỽc y arall; A rodi mach o|r
5
neb a|e prynho ar ugeint am pob parchell oc a
6
dotwo yr hỽch. Ac erthylu o|r hỽch. [ yna y bydey
7
haỽlỽr y neb a|e gwerthei. Ar y neb a|e prynhei
8
Sef haỽl a| dyweit; mi a wertheis y ti hỽch
9
torraỽc. A mach ym ar ugeint am pob parch+
10
ell o|r a dotwei yr hỽch. Ar hỽch a| dotwes ar
11
deudec parchell. A| chan dotwes ar deudec. ~ ~
12
mi a| dylyaf ugeint am pob parchell. Ac os
13
adefy. Ti a| dylyy y talu. Ac os gwedy ac os
14
amheuy mi a|e prouaf trỽy uach kyffredin
15
kydrychaỽl ny aller na llys nac amheu arnaỽ.
16
Atteb yr amdiffynnỽr yỽ. Ugeint a holeisti
17
ymi am pob parchell oc a dotwei yr hỽch. Ny
18
dotwes yr hỽch ar perchyll ettwa Cany ellir
19
cỽbyl o aghỽbyl. [ Aghỽbyl ynt hỽy o|r peth
20
pennhaf. Sef yỽ hynny eu henyeidyeu Cany
21
anet eneit gantuỽ* nyt ynt perchyll. a chanyt
22
ynt perchyll hỽynteu. Mi a| dodaf ar kyfreith. A
23
dylyy titheu dim ymi. Canyt ynt per+
24
chyll.| y llall. hỽch cỽbyl a| wertheis i yti
25
dorraỽc. Ac os aghỽbyl hi o dim nyt y| genhyf
26
ui
| « p 7r | p 8r » |