NLW MS. Peniarth 35 – page 84v
Llyfr Iorwerth
84v
Canyt gyrr namyn gyrr perchennaỽc.
Ket dywetto perchennaỽc ar y tauaỽt
leueryd ac na|s dycco yr dygyn nyt
iaỽn namyn llỽ yr amdiffynnỽr o|e wadu.
Ket gyrrho dyn ny bo perchennaỽc lle+
drat ar arall; Nyt kyfreithaỽl namyn llỽ yr am+
diffynnỽr o|e wadu. Cany dyly gyrru lle+
drat namyn perchennaỽc. Ket pallo re+
ith dyn y bo un o|r affeithoed uchot arn+
aỽ. Ny dygỽyd namyn en dirỽ Ony myn+
nir erlit kyfreith. anudon arnaỽ. Ket pallo
reith y llourud yr meint y lledrat a| dy+
wetter arnaỽ. Ny byd eneit uadeu O thal
seith punt. A chynys talho ny dyly namyn
y dihol. Cany dylyir dihenydu neb ny cha+
ffer dim yn| y laỽ. Ereill a| dyweit y uot
yn eneit uadeu Ony cheiff y werth; ~ ~
Pỽ| bynhac a diholer o uraỽt y kyfreith. iaỽn
yỽ idaỽ uot yn uur* kychwyn tranno+
eth. Ac o hynny allan diwarnaỽt vrth
pob kantref a uo yr arglỽyd a|e diholho.
A| hỽnnỽ yỽ oet diholỽr. Pỽy| bynhac a dal+
yho lleidyr a lledrat yn| y laỽ a|e ellỽng;
A|e yr kerenhyd. A|e yr gwerth. Os adef
Talet seith punt Canys ket bo eneit ua+
deu
| « p 84r | p 85r » |