NLW MS. Peniarth 38 – page 59v
Llyfr Blegywryd
59v
yn gỽarandaỽ ar y|ỽyrda yn barnu eu kyfrei+
theu. ac ygnat yn gỽarandaỽ haỽlỽr ac|am+
diffynnỽr yn ym·atteb. a mach yn gỽarandaỽ
haỽlỽr a|thalaỽdyr yn ymatteb. Tri gỽanas
gỽayỽ kyfreithaỽl yn dadleu. vn yỽ gỽan y|ar+
llost yn|y dayar ac vn llaỽ hyny vo abreid y tyn+
nu a|dỽylaỽ. Eil yỽ gỽan y|pen y myỽn tỽyn
hyny gudyo y|mỽn. Trydyd yỽ y|dodi ar|lỽyn
a vo kyfuch a|gỽr. ac ony byd y gỽayỽ vn o|r tri
gỽanas hynny a mynet dyn arnaỽ mal y bo ~
marỽ; trayan y|alanas a|dygỽyd ar perchen y
y* gỽayỽ. Tri ofer ymadraỽd a|dyỽedir yn llys
ac ny ffynnant. gỽat kyn deturyt. a|llys kyn am+
ser. a|chyghaỽs gỽedy braỽt. Tri ofer llaeth y+
ssyd. llaeth kassec. a|llaeth gast. a llaeth kath. kany
dyỽygir dim ymdanunt. Terr* sarhaet ny dyỽ+
ygir o|r keffir trỽy veddaỽt. sarhaet yr offeirat
teulu. a|r ygnat llys. a|r medic llys. kany ỽdant
pa amser y|bo reit y|r|brenhin ỽrthunt ny|dylyant
ỽynteu vot y* vedỽ byth. Teir paluaỽt ny|dyỽy+
gir. vn arglỽyd ar y|ỽr yn|y reoli yn dyd kat a|brỽ+
| « p 59r | p 60r » |